Матэрыялы да заняткаў па гісторыі Беларусі і сусветнай гісторыі

Матэрыялы да заняткаў па гісторыі Беларусі і сусветнай гісторыі, распрацаваныя настаўнікамі Беларусі з дапамогай сэрвісаў вэб 2.0.

У ніжэйпрадстаўленых табліцах сістэматызаваныя матэрыялы па вучэбных прадметах "Гісторыя Беларусі " і "Сусветная гісторыя".

Гісторыя Беларусі

Сусветная гісторыя

Абедзве табліцы маюць аркушы па кожнаму класу і даступныя да рэдагавання.

Выкарыстанне на ўроках гісторыі Беларусі комікса "К. Каліноўскі. Паўстанне 1863-1864 гг."

Комікс "К. Каліноўскі. Паўстанне 1863-1864 гг." (аўтар - Т. Шумель)

Уяўнае комікс-інтэрв’ю з К. Каліноўскім. 8 клас, гісторыя Беларусі. Паўстанне 1863-1864 гг.

Пытанні і заданні:

1. Назавіце, пра якую гістарычную асобу расказваецца ў коміксе.

2. Станоўчым ці – адмоўным героем, на вашу думку, з’яўляецца К. Каліноўскі для беларускага народа. Растлумачце, якім чынам аўтар комікса гэта паказаў.

3. Што новага вы даведаліся з біяграфіі дадзенага гістарычнага персанажа?

4. Ці можаце вы дабавіць яшчэ якія-небудзь звесткі пра дадзеную гістарычную асобу?

5. Калі б у вас была магчымаць сустрэцца з дадзенай асобай, якія пытанні вы яму задалі?

6. Складзіце сінквейн пра дадзеную гістарычную асобу.

7. Выкарыстоўваючы ПАПВ-формулу (“Я лічу, што...”, “Таму што...", "Я магу даказаць гэта на прыкладзе...", "Таму я раблю выснову ...".), выкажыце свае адносіны да дадзенай гістарычнай асобы.

8. Ці ёсць у коміксе гістарычныя памылкі? Калі так, то якія?

9. Як вы лічыце, ці патрэбна беларусам ушаноўваць памяць пра К. Каліноўскага? Калі так, то якім чынам?

Відэаматэрыялы на ўроках гісторыі

Відэахостынгі — сховішчы відэаматэрыялаў 

Для работы з  відэаматэрыяламі і  ролікамі прыдатны сэрвіс YouTube. Карыстальнікі могуць дадаваць, праглядаць, каментаваць і дзяліцца тымі ці іншымі відэазапісамі. YouTube з’яўляецца
сховішчам відэакантэнту. Гэты сэрвіс дазваляе выбраць пэўны матэрыял для вывучэння і абмеркавання на занятках па гісторыі Беларусі.
Сэрвіс утрымлівае таксама відэаролікі і відэафільмы, створаныя на беларускіх тэлеканалах.
Выкарыстоўваючы магчымасці сэрвісу YouTube, настаўнік можа весці работу з відэафрагментамі не толькі на ўроку. Паколькі відэа знаходзіцца ў вольным доступе, можна даць папярэдняе заданне:
прагледзець неабходныя фрагменты дома і пісьмова пракаментаваць іх. Яшчэ адзін  варыянт —  падабраць да пэўнага эпізоду мастацкага твора відэафрагменты са спектакляў або фільмаў. Такім чынам, з’яўляецца магчымасць не толькі адысці ад традыцыйных дамашніх заданняў, але і зрабіць іх больш разнастайнымі, надаць ім творчы даследчы характар, накіраваць вучняў на самастойную працу.

Сэрвіс YouTube можа выкарыстоўвацца ў педагагічнай практыцы не толькі як крыніца навучальных матэрыялаў. Настаўнікі і вучні могуць стварыць свой канал у YouTube для захоўвання і трансляцыі
ўласных відэаматэрыялаў, створаных у працэсе навучання. 

Заданні пры працы з відэаматэрыялам

• Выкарыстанне відэа з элементамі гульні (для гэтага неабходна знайсці відэа, прыдатнае да тэмы ўрока, якое мае забаўляльны характар або змяшчае дадатковую інфармацыю, што выходзіць за рамкі вучэбнага дапаможніка);

• стварэнне тэматычных плэйлістоў разам з вучнямі (для гэтай работы настаўніку неабходна прапанаваць вучням зрабіць падборку відэа па тэме ўрока, стварыць свой канал на YouTube і дадаць у яго адабраныя ролікі, затым ажыццявіць іх прагляд на ўроку — вучні, абапіраючыся на відэа, дадуць свае каментарыі. Пасля кожны, хто пажадае, зможа вярнуцца да запісу, які яго зацікавіць, а ў настаўніка

паступова сфарміруецца выдатная метадычная скарбонка; 

• выбар з дапамогай ключавых слоў відэаматэрыялаў, якія адпавядаюць тэме ўрока, у якасці асноўнага або дадатковага матэрыялу;

• агучванне відэароліка на ўроку і параўнанне з арыгіналам (гук можа быць выключаны);

• пакадравы прагляд, абмеркаванне або агучванне асобных кадраў;

• праслухоўванне толькі аўдыярада і аднаўленне, рэканструкцыя візуальнага рада (калі візуальны рад выключаны);

• выкарыстанне так званага стоп-кадра для выбару і абмеркавання той ці іншай сцэны;

• прагляд фрагмента відэароліка і абмеркаванне пачатку, завяршэння сітуацыі, магчымых працягаў;

• стварэнне і размяшчэнне ўласных відэаролікаў і іх абмеркаванне на ўроку, чытанне і абмеркаванне каментарыяў, зробленых іншымі гледачамі.

Фільмы для выкарыстання на ўроках гісторыі Беларусі (размешчаныя на YouTube) можна знайсці па спасылцы 

“Грамадска-палітычнае становішча ў Беларусі ва ўмовах першай расійскай рэвалюцыі”. Гісторыя Беларусі, 8 клас

Грамадска-палітычнае становішча ў Беларусі 

ва ўмовах першай расійскай рэвалюцыі

    На другім уроку па тэме “Грамадска-палітычнае становішча ў Беларусі ва ўмовах першай расійскай рэвалюцыі” вучні 8 класа пазнаёміліся з паняццямі “Дзяржаўная дума”, “выбары”, “перадвыбарная праграма”. З папярэдняга параграфа ўспомнілі, што такое “нацыянальнае пытанне”, “аўтаномія”, “нацыя”, “права нацый на самавызначэнне”.

    Навучэнцам было прапанавана ўявіць сябе жыхарамі беларускіх зямель пачатку ХХ ст. і прыняць удзел у выбарах у І Дзяржаўную думу Расійскай імперыі.

   Клас быў падзелены на тры групы, у залежнасці ад колькасці палітычных лагераў.   Навучэнцам неабходна было прааналізаваць праграмныя патрабаванні дадзеных лагераў і на іх аснове скласці комікс-лістоўку для ўдзелу ў выбарчай кампаніі.

Пасля адбылася “перадвыбарная сустрэча з выбаршчыкамі”. Кожная група прэзентавала сваю работу. Далей адбылося галасаванне. Правілы галасавання: члены груп маглі аддаць голас толькі адзін раз і толькі за праграму іншых палітычных лагераў. Перамагае той лагер, які набраў найбольшую колькасць галасоў выбаршчыкаў.

   Вынікі галасавання груп у класе параўноўваюцца з вынікамі сапраўднага галасавання.

      Далей навучэнцы прааналізавалі:

- якая сацыяльна-эканамічная сітуацыя склалася на беларускіх землях у пачатку ХХ ст.;

- чаму большасць галасоў ад беларускіх губерняў атрымалі менавіта прадстаўнікі буржуазна-дэмакратычнага лагера (кадэты);

- чаму рэвалюцыйна-дэмакратычныя партыі – эсэры, бунд, бальшавікі – наогул адмовіліся ад удзелу ў выбарах;

- чаму ў час выбараў у ІІ Думу ў заходніх губернях перамаглі манархісты і акцябрысты.

#комикс

https://drive.google.com/file/d/1QdcKIW2NBzLdPZdgPk0kFIG11Yq2H2Qp/view?usp=sharing

Асобы ў гісторыі

Цікавым падаецца праект "Личности" . Відаць зроблены па матывах часопіса з такой жа назвай.

Біяграфічны банк даных "Асобы" - гэта адзіны біяграфічны рэсурс, які дазваляе групаваць і аналізаваць дадзеныя пра людзей, якія жылі ў розныя перыяды існавання цывілізацыі і якія пакінулі след у гісторыі чалавецтва.

Што вы ведаеце пра каралёў Рэчы Паспалітай

Што вы ведаеце пра каралёў Рэчы Паспалітай?

226 гадоў на мапе сьвету праіснавала дзяржаву пад назвай Рэч Паспалітая. Часта яна застаецца ў цені Полацкага княства, ВКЛ, БНР і БССР, але гэта таксама быў вельмі цікавы гістарычны перыяд. Трынаццаць каралёў кіравалі Рэччу Паспалітай за гэты час. Сярод іх былі яркія і неардынарныя асобы. «НН» прапануе невялікі тэст на веданне гэтага перыяду нашай гісторыі.

Тэст ад "Нашй Нівы" можна прайсці тут