Асобы ў гісторыі

Цікавым падаецца праект "Личности" . Відаць зроблены па матывах часопіса з такой жа назвай.

Біяграфічны банк даных "Асобы" - гэта адзіны біяграфічны рэсурс, які дазваляе групаваць і аналізаваць дадзеныя пра людзей, якія жылі ў розныя перыяды існавання цывілізацыі і якія пакінулі след у гісторыі чалавецтва.


Што мае ў змесце?

• Асоба дня
• Афарызм дня
• У гэты дзень ("Круглыя даты", " Гэты дзень у гісторыі", "Навіны культуры") 
• Біяграфіі
• Часопісы (артыкулы часопіса "Личности")
• Сёння.

Цікавай з'яўляецца рубрыка "Сёння". Яна змяшчае "Каляндар дат", "Фільмы аб асобах", "Інфаграфіку". Пагартайце да апошняй старонкі рубрыку "Фільмы". Яна змяшчае шмат дакументалных фільмаў ад Архімеда да Анны Балтар. Там ёсцт і Леанарда да Вінчы, Галілеа Галілей, Алан Пінкертон, А. дэ Бальзак, Л. Берыя, Гары Гудзіні і шмат іншых геніяў,злодзеяў, вучоных, актораў, вынаходнікаў.                                                                 Інфаграфіка "Фрранцужанкі ХХ ст."

Існуе магчымасць пошуку па тэгах. Вельмі зручны пошук. Адразу адлюстроўваецца колькасць ілюстрацый з пэўным тэгам:

Падаецца, што гэты рэсурс можна быць вельмі карысным ў выкарыстанні на ўроках сусветнай гісторыі і гісторыі Беларусі. Рэсурс змяшчае інфармацыю і аб знакамітых асобах Беларусі

Акрамя ўсяго маецца раздзел "Гульні"

Для аналізу асобы даступныя розныя прылады: ключавыя словы, геаграфія, крыніцы, сувязі з іншымі асобамі, пошук у зададзеных храналагічных рамках, сярэдняя працягласць жыцця, знакі задыяку і інш.

З дапамогай кнопкі «Аналітычны пошук» можна атрымаць структураваныя дадзеныя аб канкрэтнай асобе або групе асоб, аб'яднаных агульнымі катэгорыямі. Напрыклад, колькі ўсяго лаўрэатаў Нобелеўскай прэміі сярод французаў жылі ў ХХ стагоддзі?

Праект дае шмат магчымасцяў займацца пэўнымі даследаваннямі. Нават у прафарыентацыйнай дзейнасці. Напрыкал, якія прафесіі пераважаюць у людзей, што нарадзіліся у адзін дзень са мной?

Рэгістрацыя не абавязковая, але яна дае дадатковыя прылады для працы з сайтам.

Блокнот - дадавайце ў запісную кніжку карткі асоб, якія вас зацікавілі.

Карыстальніцкія спісы - калекцыянуе асоб аб'яднаных агульнымі рысамі.

Адпраўляйце картку асобы на пошту сабе ці сваім сябрам.

Сайт мае даведнік - як працаваць з рэсурсам (О пректе - Путеводитель)